|
 |
|
|
|
Eachdraidhean Beatha
|
Jan Kocman
Fear nan Culaidh
Cheumnaich Jan bho Oilthigh nan Ealan Gnìomhach ann am Bratislava anns an raon Sealladh-Eòlas Dràma Phupaidean. Fhuair e dotaireachd as dèidh sin le obair air "Das Kostüm in der Szenographie" (A' Chulaidh anns an t-Sealladh-Eòlas) anns an clas aig an Urr Corba.
Tha e ag obair anns an roinn seo mar fhear-teagaisg cuideachd an-diugh.
Tha liosta nan saothraichean ealain a bhean e ris glè fhada is iomadach. Bidh Jan Kocman an sàs dealbhadh chulaidhean is seallaidhean an àrd-ùrlair airson iomadh taigh-cluiche anns an t-Slòbhac ais thall thairis (Lunnainn, Zürich, Praha, Düsseldorf is msaa) a bharrachd air obair teagaisg. Bha e an sàs grunn fhilmichean a fhuair duaisean a bharrachd air sin agus bidh e ag obair còmhla ri telebhisean na Slòbhaice.
Tha e air a bhith ag obair còmhla ris an taigh-chluiche Kontra-Punkt fad 10 bliadhna is còmhla ris an Urr. Milan Sládek, am balbh-chluicheadair a tha ainmeil air feadh an t-saoghail.
Tha Jan Kocman 'na bhall nan triùir dhaoine ealain de STROMY (Craobhan) a fhuair duais "Entdeckung der Saison" (Nua-Lorg na Ràithe) bho luchd-naidheachd is luchd-breithneachaidh dràmadachd na Slòbhaice ann an 2000.
Bidh e an sàs dealbhadh shanasan airson thaighean-cluiche cuideachd a bharrachd air obair mar fhear nan culaidh. Tha buaidh dràma phupaidean follaiseach 'na obair-dhràma an-còmhnaidh agus buaidh prionnsabalan an dràma is an dràma-dannsa. Tha buaidh is spreigeadh grunn chultaran a' dol am measg a chèile agus a' tighinn còmhla ann am fuasglaidhean sìmplidh aig a bheil comharradh càileachd sàr-phroifeiseanta shònraichte a tha drùidhteach is eisteadaigeach.
|
|
|
|
|
